संक्षिप्त परिचयः- बारा जिल्लामा विद्यमान १६ स्थानीय तहहरु मध्ये करैयामाई गाउँपालिका जिल्लाको उत्तरपूर्व भागमा अवस्थित रहेको छ । प्रदेश नं. २ को बारा जिल्ला अन्तर्गत समतल भु-भागको विशेषता बोकेको यो गाउँपालिकामा प्राय  कृषि पेशामा आश्रित धान, मकै, गहुँ, उखु जस्ता बालीहरु आयका मुख्य स्रोतहरु हुन ।  मिश्रित जातजाती बसोबास रहेको यस पालिकाको मुख्य बोलीचालीको भाषा भोजपुरी रहेको छ । समुन्द्र सतहबाट करिब ८८ देखि ११७ मिटर सम्मको उचाईमा रहेको र भौगोलिक अवस्थितिका हिसाबले २६ डिग्री ५८ मिनेट ० सकेण्ड देखि २७ डिग्री ४ मिनेट ५१ सेकेण्ड उत्तरीअक्षांश र ८५ डिग्री ३ मिनेट ४ सेकेण्ड देखि ८५ डिग्री ८ मिनेट १३ सेकेण्ड पूर्वी दशांन्तरमा फैलिएको छ । धार्मिक रुपमा हिन्दु धर्मालम्बीहरुको उच्च बाहुल्यता रहेको यस क्षेत्रमा मनाईने चाडपर्वहरु कृष्णाष्टमी, तीज, रक्षाबन्धन, दशै, तिहार, छठ, माघे सक्रान्ती, होली आदि रहेका छन् । भौगोलिक रुपमा ग्रामीण क्षेत्र भएता पनि यस पालिका पर्यटकीय, बातावरणीय लगायतका विभिन्न पक्षहरुबाट महत्वपूर्ण रहेको छ ।

• स्थापना:-    २०७३
• केन्द्र:-    साविक करैया गा.वि.स. को कार्यालय
• जम्मा वडा संख्या:-   ८
• क्षेत्रफल:-    ४७.६९ वर्ग किमी
• जनसंख्या:-     २६४८७
• सिमाना
  

  पूर्व	कोल्हवी नगरपालिका
  पश्चिम	कलैया उपमहानगरपालिका
  उत्तर	कोल्हवी नगरपालिका तथा जीतपुरसिमरा उपमहानगरपालिका
  दक्षिण	पचरौता गाउँपालिका, बारागढी गाउँपालिका तथा महागढीमाई नगरपालिका

मुख्य पर्यटकीय स्थलहरू (धार्मिक/ऐतिहासिक/पुरातात्विक)

करैयामाई गाउँपालिकामा मुख्य ४ वटा सम्पदा र धरोहर अवस्थित छ । यस्ता धरोहर र सम्पदा मध्ये विशेष महत्व भएका स्थानहरू निम्न अनुसार छन ।

मातृभाषाको आधारमा जनसंख्याको विवरण

यस गाउँपालिकामा सबैभन्दा बढि ४९.६९ प्रतिशत मानिसहरुको मातृभाषा भोजपुरी हो भने सबै भन्दा कम ०.१३ प्रतिशत मानिसहरुको मातृभाषा मगर रहेको देखिन्छ । भोजपुरी पछि २८.६० प्रतिशत मानिसहरुको मातृभाषा थारु रहेको देखिन्छ ।